مفارقات

في الآونة الأخيرة تعرضت لكثير من المواقف التي جعلتني أتعجب من طريق التفكير السائدة..

.

كثيرا تشجعت عند معرفتي بزيارة الشيخ المقرئ مشاري العفاسى للأردن وقيامه بالخطبة و صلاة الجمعة بمسجدفي حدائق الحسين والمفارقه عندما قال لي شخص: طيب مهو هذا مقرئ كيف هو الي بدو يخطب الجمعة.. ممم لوكانت انجلينا جولي راح تيجي تحي حفلة غنائية أكيد الناس راح تروح بغض انظر انها مغنية أو ممثلة حاشا لله أن أشبه هذا الشيخ بها لكن الموقف يدعو للسخرية أنو بنتحمس لأي شي غير الدين و لما يجي الموضوع على الدين بنصير نطلع حجج و أعذار

.

موقف أخر

بمناسبة المولد النبوي يرى الكثير حرمه أحياء هذا اليوم مع انو احيائه يكون بالعبادات مع أنو احنا هل أيام بمناسبة أو بدون مناسبة عم نحتفل حتي على أعياد مش أعيادنا زي راس السنة و غيره شو المشكله لو بدل ما اجتمعنا على استغابة أو سهرة شدة أو مباراه أنو نجتمع على عبادة و ذكرسيدنا محمد

.

وأخر

بنات هل أيام و أنا منهم ما بنخلي مكان الا بنروحو مول و سوق سينما مطعم كوفي شوب و غيره و غيره بس نيجي على الصلاة بالمسجد

بتسير صلاة المرأه في بيتها أحسن...

.

وأخر نهفة

كانت لما قررنا أنا و صديقاتي انو النظم رحلة عالشام وكان الاختلاف انو نروح يوم جمعة أو سبت , يوم الجمعة السوق بكون مسكر و السبت بكون فاتح .. بس صديقه قالت أنو لو رحنا الجمعة بنكسب صلاة الجمعة بالمسجد الأموي بس شو ردوا عليها أنو لا تشد الرحال الا الى ثلاثة مساجد

فتقرر بالنهايه شد الرحال للتسوق هههههه

اللهم أسألك الهدى لي و جميع المسلمين